Israa’iil ayaa duqeymo cirka ah ka geysatay koonfurta Qasa, iyadoo ku eedaysay Xamaas weerarro “xad-gudub kas ah oo xabbad-joojinta ah”.
Afhayeen u hadlay militariga ayaa sheegay in Xamaas ay fulisay “weerarro badan oo ka dhan ah ciidamada Israa’iil oo ka baxsan xarriiqda jaallaha” – taas oo ay sheegeen in ay tahay aagga ay ciidamada Israa’iil ka baxeen si waafaqsan wejiga koowaad ee heshiiska uu gar-wadeenka ka ahaa Mareykanka.
Xamaas ayaa sheegtay inay ka go’an tahay xabbad joojinta waxayna ku eedeeyeen Israa’iil inay jebisay dhowr jeer.
Heshiiska – oo qayb ka ah qorshaha Madaxweyne Donald Trump ee lagu soo afjarayo dagaalka Qasa ee laba sano jirsaday – waxa uu dhaqan galay 10kii Oktoobar, waxaana wejigiisa koowaad uu sababay in la sii daayo la haystayaashii Israa’iil iyo maxaabiis Falastiiniyiin ah.
