Kulanka Guddiga Fulinta ee Ururka Caddaaladda iyo Wadajirka (JSP) ayaa maanta lagu qabtay Xarunta Dhexe ee Ururka, iyadoo uu shir-guddoomiyay Xoghayaha Guud ee JSP, Dr. Xuseen Sheekh Maxamuud.
Kulanka ayaa diiradda lagu saaray u diyaar-garowga doorashooyinka soo socda ee Dowladda Hirshabeelle iyo qorshayaasha siyaasadeed ee Ururka.
Guddiga Fulinta ee JSP ayaa kulanka ka soo saaray go’aan ku saabsan musharraxa Ururka u metelaya doorashada Hoggaamiyaha Dowladda Hirshabeelle.
Gudigga Fulinta JSP ayaa si aqlabiyad leh u go,aamiyay in Mudane Cali Cabdullaahi Xuseen Guudlaawe uu noqdo musharraxa rasmiga ah ee Ururka Caddaaladda iyo Wadajirka (JSP) ugu taagan doorashada Hoggaamiyaha Dowladda Hirshabeelle.
Go’aankan ayaa kusoo beegmaya xilli ururrada siyaasadeed ay wadaan diyaar-garowga doorashooyinka la filayo in ay ka dhacaan Hirshabeelle.
