Koox ka tirsan ciidamada TPLF ayaa gudaha u galay xuduudka Canfarta, waxayna qaadeen weerar, sida uu sheegay xafiiska isgaarsiinta ee gobolka Canfarta.
“Kooxda TPLF oo aan khaladkeeda waxba ka baran ayaa maanta gudaha u galay xuduudka gobolka Canfarta, waxayna weeraro ay u adeegsadeen hub culus sida madaafiic iyo Zu-23 ay ku qaadeen dad shacab ah” ayaa lagu yiri warsaxaafadeed ka soo baxay xafiiska.
War saxaafadeedka ayaa sido kale lagu sheegay in kooxda TPLF ay sidii caadada u ahayd u adeegsatay madaafiic iyo Zu-23 si ay u toogtaan dadka shacabka ah, waxayna argagax galiyeen dadka.
“Kooxda Old TPLF waxay ka soo gudbeen xuduudka waxayna rasaas ku fureen beeralayda Canfarta ee bad qabay ee ku nool tuulooyinka Toonsa iyo Milkii ee degmada Magaallee ee Gobolka Canfarta,” ayuu lagu yiri warka xafiiska isgaarsiinta.
Warsaxaafadeedka ayaa lagu sheegay in kooxda TPLF rasaasta ay dadka shacabka ah ku weerartay ay si cad u jabisay heshiiskii Pretoria.
Markii ay kooxda TPLF soo gashay xuduudka ayay odayaasha Canfarta ee nabad doonka ahaa ka baryeen in ay soo laabtaan balse waa ay diideen in ay dhaafaan oo waxay soo qaadeen weerarka ayuu yiri.
Ismaamulka Canfarta ayaa ka digay in ay talaabo ka qaadi doonaan kooxda TPLF ee weerarka soo qaaday hadii aysan ka laaban falalka ay ku kacayso.
Khasaaraha si rasmi ah looma soo warin.
