Luul Jeylani Cali, oo ka mid aheyd fannaaniintii ugu caansanaa Fanka Soomaalida gaar ahaan Banaadirga, ayaa xalay ku geeriyootay magaalada Minnapolis ee gobolka Minnesota.
Luul Jaylaani waxa ay ka mid ahayd fanaaniinta Soomaaliyeed ee caanka ku ahaa qaadista heesaha banaadiriga, iyo jilliinka riwaayadaha ka tarjuma nolosha iyo dhaqanka bulshada banaadiriga ah.
Muddo sanad ah ayay ku xanuunsanayd dalka Mareykanka, maalinta berri aha yaaa la aasi doonaa sida ay sheegeen Ehelka Marxuumadda.
Fanaanadda Allaha u naxariisto. Qoyskeeda, Qaraabadeeda iyo dhammaan Ummadda Soomaaliyeedna Samir iyo iimaan Allaha ka siiyo.
