War ka soo baxay Safaaradda Mareykanka ee Muqdisho ayaa waxaa loogu baaqay in hoggaamiyeyaasha Soomaaliyeed ay sii wadaan wadahadalka iyo tanaasulka siyaasadeed, iyadoo lagu tilmaamay in wada-hadalku uu muhiim u yahay xasilloonida dalka.
“Wadahadalka iyo tanaasulka waa arrimo adag, balse waa lama huraan. Waxaan ku dhiirrigelinaynaa hoggaamiyeyaasha Soomaaliya inay sii wadaan raadinta is-afgarad. Geeddi-socod siyaasadeed oo mideysan oo Soomaaliyeed wuxuu ka hortagaa argagixisada, xoojiyaa dowlad-dhiska, isla markaana hormariya mudnaanta Soomaaliya iyo tan beesha caalamka.”
Safaaraddu waxay sheegtay in wadahadalka iyo is-afgaradku ay adkaan karaan, balse ay yihiin kuwo lama huraan ah si loo gaaro xal waara. Waxay sidoo kale dhiirrigelisay hoggaanka Soomaaliya in ay sii xoojiyaan geeddi-socod siyaasadeed oo mideysan.
Bayaan ka soo baxay safaaradda ayaa lagu xusay in hannaan siyaasadeed oo mideysan uu ka hortagi karo argagixisada, xoojin karo dowlad-dhiska, isla markaana hormarin karo mudnaanta Soomaaliya iyo tan beesha caalamka.
Hadalkan ayaa imanaya xilli dalka uu wajahayo khilaafaad siyaasadeed oo u baahan wadahadal iyo is-afgarad si loo ilaaliyo xasilloonida iyo horumarka.
