Taliska ciidamada Mareykanka ee qaaradda Afrika (AFRICOM) ayaa sheegay in, iyagoo kaashanaya Dowladda Federaalka Soomaaliya, ay 14–15 November 2025 fuliyeen duqeymo cirka ah oo lagu bartilmaameedsaday kooxda Al-Shabaab.
War-saxaafadeedka AFRICOM ayaa lagu sheegay in duqeymuhu ka dhaceen qiyaastii 55 km waqooyi-bari kaga beegan magaalada Kismaayo, isla markaana ay yihiin qayb ka mid ah howlgalka joogtada ah ee lagu wiiqayo awoodda Al-Shabaab ee ku wajahan amniga Soomaaliya iyo kan Mareykanka.
AFRICOM waxay sheegtay in ay sii wadi doonaan iskaashiga ay la leeyihiin Dowladda Federaalka Soomaaliya iyo Ciidanka Xoogga Dalka, si loo yareeyo khatarta Al-Shabaab ee ka dhan ah Mareykanka, ciidamada Mareykanka, iyo muwaadiniinta Mareykanka ee dibadda.
Taliska Mareykanka ayaa sidoo kale sheegay in aysan faahfaahin dheeri ah ka bixin doonin ciidamada iyo qalabka la isticmaalay, si loo ilaaliyo amniga howlgalka.
