Sunday, August 31, 2025

MW Xasan Sheekh iyo Dhigiisa Masar oo kulan xasaasi ah yeelanaya

Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa lagu wadaa inuu u ambabaxo magaalada Qaahira ee caasimadda dalka Masar, halkaas oo uu kulan rasmi ah kula yeelan doono dhiggiisa dalka Masar, Madaxweynaha Cabdel-Fataax Al-Sisi.

Kulankan ayaa diiradda lagu saari doonaa xoojinta xiriirka laba geesoodka ah ee ka dhaxeeya Soomaaliya iyo Masar, iyadoo si gaar ah looga wada hadli doono xaaladda cakiran ee Geeska Afrika, gaar ahaan xiisadda ka taagan damaca Itoobiya ee ku aaddan xannibaadda biyaha Webiga Nile.

Socdaalka Madaxweynaha Soomaaliya ayaa imaanaya xilli gobolka uu wajahayo xiisado isa soo taraya, iyadoo Itoobiya sheegtay inay dhowaan bilaabi doonto xarrigga biyaha kanaalka Nile si ay koronto uga dhaliso biyo-xireenka ay ka dhistay webiga Abay (Nile). Arrintaas ayaa si weyn uga caraysiisay dowladda Masar oo u aragta mid khatar ku ah amnigeeda biyo iyo masiirka qarankeeda.

Dhinaca kale, wararka ayaa sheegaya in Itoobiya ay dacwo ka keentay dalka Eritrea, iyadoo ku eedeysay inuu qorsheynayo weerar gudaha Itoobiya ah muddo saddex bilood gudahood ah, taasoo sii hurineysa xiisadda gobolka.

Waxaa sidoo kale la xasuusan yahay in xiisadda u dhaxeysay Soomaaliya iyo Itoobiya hoos loo dhigay, kaddib wada-hadalladii ka dhacay magaalada Ankara iyo is-dhaafsiga booqashooyinka rasmi ah ee Madaxda labada dal.

Sidoo kale, Ra’iisul Wasaaraha Itoobiya Abiy Axmed ayaa Madaxweyne Xasan Sheekh ku casuumay xafladda xarig-jarka biyo-xireenka cusub, taasoo haddii uu Madaxweyne Xasan ka qeyb galo laga dhaxli karo dareen siyaasadeed oo adag, maadaama Masar iyo Suudaan ay si cad uga soo horjeedaan mashruucaasi.

Dowladda Masar ayaa si weyn uga shaqeyneysa in Soomaaliya ay ka baaqato ka qeybgalka xafladdaasi, iyada oo u aragta mid qeyb ka ah muranka xooggan ee ka taagan biyaha Webiga Nile.

WARARKII KALE

Maxkamadda Ciidamada oo Xukun Dil ah ku Riday Ex Dable NISA Maxamed Buulle Muumin

Maxkamadda Darajada Koowaad ee Ciidamada Qalabka Sida ayaa maanta...

Madasha Samatabixinta: “Doorashada uu Xasan Sheekh ka wado Banaadir waa sharci darro halis leh”

Warsaxaafadeed ka soo baxay madasha Samatabixinta Soomaaliyeed ayaa waxaa...

DFS oo ku dhawaaqday in la dhameystiray dhismaha DG Waqooyi Bari

Warsaxaafadeed ka soo baxay wasaarada arrimaha gudaha ee Xukuumadda...

Xeer Ilaaliyaha Guud ee Qaranka oo digniin kasoo saaray dadka aflagaadada iyo sucad dilka kawada baraha bulshada

Xafiiska Xeer Ilaaliyaha Guud ee Qaranka ayaa sheegay inuu...

Booliska Soomaaliya oo sheegay in gacanta lagu dhigay askar dhac ka geysanaysay duleedka Muqdisho

Ciidanka Booliska Soomaaliyeed ayaa howlgalo ka kala dhacay Ceelasha...

Madaxweynaha Falastiiniyiinta oo laga hor istaagay ka qeybgalka Kalfadhiga Guud ee Qaramada Midoobay

Madaxweynaha Falastiiniyiinta, Maxamuud Cabbaas, ayaa laga hor istaagay inuu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles