Ra’iisul Wasaaraha Israa’iil Benjamin Netanyahu ayaa sheegay in sida Somaliland u raadinayso aqoonsi caalami ah, ay Israa’iil sidoo kale u dooneyso in dunidu u aqoonsato magaalada Qudus inay tahay caasimaddeeda rasmiga ah.
Netanyahu ayaa hadalkan ka sheegay shir jaraa’id oo wadajir ah oo uu magaalada Qudus kula yeeshay Madaxweynaha Somaliland Cabdiraxmaan Cirro, isagoo yiri:
“Sidii aad uga filaysaan dalalka inay aqoonsadaan madaxbannaanidiinna iyo xuquuqdiinna qaran, annaguna sidaas oo kale ayaan u aragnaa xuquuqdayada ku aaddan caasimaddayada Qudus (Jerusalem), waxay ahayd caasimadda shacabka Yuhuudda tan iyo xilligii Nabi Daa’uud ku dhowaad 3,000 sano kahor.”
Labada dhinac ayaa sidoo kale magaalada Qudus ku saxiixay Baaqa Istaraatiijiyadeed ee Iskaashiga Somaliland iyo Israa’iil.
Madaxweyne Cabdiraxmaan Cirro ayaa sheegay in heshiiskan uu dhisayo xiriir istaraatiiji ah oo waara, isla markaana diiradda lagu saarayo dhinacyada beeraha, biyaha, amniga, tiknoolajiyadda, maalgashiga iyo horumarinta kaabayaasha dhaqaalaha.
