Qaramada Midoobay (UN) ayaa sheegtay in ay si dhow ula socoto dibadbaxyada ka dhanka ah dadka aan haysan dukumentiyada sharci ee socdaalka ee ka socda Koonfur Afrika, iyagoo ku baaqday in si buuxda loo ixtiraamo xuquuqda aadanaha.
Kooxda Qaramada Midoobay ee ka shaqeysa Koonfur Afrika ayaa ku celisay baaqyada ku aaddan deganaanshaha, xasilloonida iyo hoggaan mas’uul ah si loo yareeyo xiisadaha loona soo celiyo kalsoonida bulshada.
Waxay sidoo kale muujiyeen walaac weyn oo ay ka qabto wararka sheegaya hanjabaado iyo rabshado, oo ay ku jiraan dhimasho, weerarro, burburinta hanti, cabsi gelin, hadallo naceyb ah iyo falal kale oo dembiyeed oo saameeyay muhaajiriinta, magangalyo-doonka, qaxootiga iyo sidoo kale bulshooyinka martigeliya.
