Sida ay sheegayaan dad goobjoogayaal ah Shan qof oo isku qoys ah, kana yimid aroos ayaa shil gaari ku galay isgoyska Mirinaayo ee magaalada Muqdisho.
Inta la xaqiijiyay Seddex gabdhood ayaa ku geeriyootay shilka, halka labo kalana ay ku dhaawacmeen.
Wararka ayaa intaasi ku daraya in gabdhaha geeriyooday ay saarnaayeen Mooto Bajaaj, kadib markii uu gaariga uu jiiray.
Darawalka Shilkaasi geystay ayaa goobta ka baxsaday, balse wararka ayaa sheegaya in ciidamada ammaanka ay gacanta ku dhigeen darawalka, kadib markii isagoo baxsad ah laga daba tagay.
Dowladda Soomaaliya ayaan weli ka hadlin shilka iyo khasaaraha ka dhashay.
Magaalada Muqdisho ayaa waxaa ku soo batay shilal sidan oo kale u dhaca.
