Wasiirka Maaliyadda Xukuumadda Mudane Xildhibaan Biixi Imaan Cige, ayaa maanta magaalada Muqdisho ka daah-furay Shir Madaxeedka shanaad ee hal-abuurka ganacsiga Soomaaliyeed.
Shirka waxaa diiradda lagu saarayaa horumarinta kaabayaasha dhaqaalaha, hal-abuurka ganacsi, kordhinta dakhliga, dhiirrigelinta ganacsiyada yaryar, iyo kobcinta ganacsiga haweenka Soomaaliyeed.
Sidoo kale, shirka waxaa ka qeyb galay Wasiirka Qorsheynta, Maalgashiga iyo Horumarinta Dhaqaalaha Xildhibaan Cabdiraxmaan Beene-Beene, Wasiirka Waxbarashada Faarax Sheekh Cabduqaadir, Wasiirka Batroolka iyo Kheyraadka Daahir Shire, Guddoomiyaha Golaha Dhaqaalaha Qaranka Xasan Aadan Hoosow iyo xildhibaanno ka tirsan labada Gole ee Baarlamaanka ee dalka.
