UK oo DF iyo Laftagareen ugu baaqday in ay wadahadlaan, iyo inay xakameeyaan xiisadda Baydhabo

Dowladda Britain ayaa walaac ka muujisay colaadda iyo iska horimaadyada kusoo noqnoqday magaalada Baydhabo, iyadoo sheegtay in rabshadaha sii socda ay saameyn ku yeelan karaan shacabka iyo xaaladda bani’aadantinimo ee deegaannada Koonfur Galbeed.

Safaaradda Britain ee Muqdisho ayaa dhinacyada ku lugta leh xaaladda Baydhabo ugu baaqday inay is-xakameeyaan, xiisadda dejiyaan, khilaafaadkana ku xalliyaan wada-hadal, iyadoo muhiimadda la siinayo badbaadada shacabka.

Walaaca Britain ayaa kusoo aadaya xilli magaalada Baydhabo ay ka dhaceen dagaallo u dhexeeya dhinacyo iska soo horjeeda, kuwaas oo sababay cabsi iyo barakac soo noqnoqda.

Dowladda Britain ayaa sidoo kale ka digtay in colaadda sii socota ay sii adkeyn karto xaaladda bani’aadantinimo ee Koonfur Galbeed.

Dhanka kale, Britain ayaa dhawaan ku dhawaaqday £5 milyan oo gargaar cusub ah oo loogu talagalay in Soomaaliya looga taageero diyaar-garowga fatahaadaha la filayo ee la xiriira El Niño xilliga Deyrta.

Dowladda Britain waxay sheegtay in taageeradan ay gaari karto adeegyada aasaasiga ah ee ilaa 600,000 oo qof, iyadoo si gaar ah loo taageerayo caafimaadka, nafaqada, biyaha iyo fayadhowrka.

Sida ay sheegtay Britain, fatahaadaha la filayo ayaa saameyn ku yeelan kara inta u dhaxaysa 2.5 ilaa 3.5 milyan oo qof, taasoo ka dhigaysa in diyaar-garowga iyo tallaabooyinka degdegga ah ay muhiim u yihiin badbaadinta dadka iyo hantidooda.

Xaaladda Baydhabo ayaa sidaas darteed kusoo aadeysa xilli gobolka uu wajahayo laba caqabadood oo isbiirsaday; colaad iyo barakac dhinac ah, iyo khatar fatahaado iyo dhibaatooyin bani’aadantinimo dhinaca kale.

Dowladda Britain ayaa horey u sheegtay inay sii waddo taageerada bani’aadantinimo iyo horumarineed ee Soomaaliya, iyadoo safaaradda Britain ee Muqdisho ay sheegtay in howlaheeda ay qayb ka yihiin taageerada xasilloonida, amniga iyo horumarka Soomaaliya.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles