Wararka ka imaanaya gobolka Mudug ayaa sheegaya in xiisad u dhexeysa labo maleeshiyo beeleed ay maanta ka taagan deegaano hoostaga degmada Afbarwaaqo ee gobolkaasi.
Xiisadan ayaa ka dambeysay kadib markii shalay dagaal qaraar uu deegaanka Buq-qalooc uu ku dhexmaray labada Maleeshiyo beelood. Waxaana dagaalkii shalay ka dhashay khasaaro isugu jira dhimasho iyo dhaawac.
Dagaalkii shalay ayaa waxaa ku geeriyooday 10 qof, halka 20 kalana ay ku dhaawacmeen, sida ay sheegeen dadka deegaanka.
Xiisadan u dhexeysa labada beelood oo ka soo kala jeeda Puntland iyo Galmudug gaar ahaanna degaannada Towfiiq iyo Afbarwaaqo ayaa maalmahan isku hor fadhiyay deegaanadaasi, waxaana weli taagan xiisadda dagaalkaasi oo marar kala duwan soo noq noqday islamarkaana aan weli xal dhammaystiran laga gaarin.
