Bayaan rasmi ah oo ka soo baxay Puntland ayaa lagu xaqiijiyay in dowladda Imaaraadka Carabka ay fulisay duqeyn diyaaradeed oo xalay ka dhacday togga Miiraale ee buuraha Calmiskaad, halkaasi oo ay weli ku dhuumanayaan dagaallamayaal ka tirsan Firxadkii Argagixisada ISIS.
Bayaan kooban oo ka soo baxay xafiiska dowladda Puntland u qaabilsan Faafinta warar dagaalka Calmiskaad ayaa lagu sheegay in duqeynta ka dhacday Miiraale ay fuliyeen saaxibada Puntland ee Imaaraadka Carabta, islamarkaana lagu beegsaday firxadkii dagaallamayaasha ISIS oo isku urursanayay togga Miiraale, kaddib markii horay loogu jebiyay togga Jeceel.
“Duqeyn ka dhacday aaga Ceelka Togga Miiraale waxaa lagu dilay xubno ka mid ah Argagixisada Daacish oo is urursanayey, duqeynta waxaa fuliyay saaxiibada Dowladda Puntland ee Imaaraadka .”ayaa lagu yiri qoraalka.
