Taliyaha Ciidanka Xoogga Dalka Soomaaliyeed Sareeye Gaas Odawaa Yuusuf Raage, ayaa maanta magaalada Muqdisho kulan kula qaatay Taliyaha Ciidanka Milatariga Dowladda Talyaaniga, Jeneraal Luciano Portolano, oo booqasho rasmi ah ku jooga dalka.
Kulankaan ayaa diiradda lagu saaray xoojinta iskaashiga iyo wada shaqeynta ka dhaxeysa ciidamada labada dal, iyadoo dhanka kale Taliyaha CXDS uu uga mahadceliyay dowladda Talyaaniga taageerada joogtada ah ee ay siiyaan Ciidanka Xoogga Dalka, gaar ahaan dhanka tababarka iyo tayeynta ciidanka.
