Madaxweynaha Dowlad Goboleedka Galmudug,Axmed Cabdi Kaariye (Qoor Qoor), ayaa si adag ugu jawaabay siyaasiyiinta mucaaradka ah ee dhaliilaha u jeediya maamulka, isaga oo ugu baaqay in ay qaataan siyaasad masโuuliyadi ku dheehan tahay oo horseedda hannaanka dimuqraadiyadeed.
Madaxweyne Qoor Qoor ayaa yiri โHaddii aad tabasho leedahay, xisbi siyaasadeed furto. Dadkiina u sheeg waxa aad qabateen. Tabasho joogto ah iyo โlooma dhamaโ waa wax dadka dib u dhigaya.โ
Wuxuu sidoo kale tilmaamay in aysan jiri doonin wax fursad ah oo lagu sii cuni karo cabashooyinka salka laโ, gaar ahaan marka dalka uu u socdo doorasho qof iyo cod ah.
Wuxuu si cad u yiriโWaa la i boobay, kursi ayaa hebel loo xiray โ waa hadallo dhamaaday. Waxaan u soconnaa doorasho qof iyo cod ah, waana waqtigii la gelin lahaa tartan furan oo hufan.โ
Madaxweynaha ayaa ku adkeystay in siyaasadda Galmudug ay u socoto xagga horumar iyo xasillooni siyaasadeed, ayna tahay in dadka Soomaaliyeed, gaar ahaan reer Galmudug, ay ka gudbaan hadallo la xariira eedeymo hore iyo feker qabiil.
Qoor Qoor ayaa ku booriyay siyaasiyiinta mucaaradka in ay ku tartamaan waxqabad iyo barnaamijyo cad oo shacabka la horkeeno, halkii ay ku mashquuli lahaayeen eedeymo iyo dacaayad siyaasadeed.
โWaqtigu waa mid horay u socda. Bulshadu waxay u baahan tahay waxqabad, ma ahan muran iyo hadallo been ah,โ ayuu raaciyay.
