Madaxweynihii hore ee Soomaaliya, Maxamed Cabdullaahi Farmaajo, ayaa dhaliil xooggan u jeediyay sida uu madaxweyne Xasan Sheekh Maxamuud u maamulay gogosha wadatashiga qaran ee uu ku dhawaaqay 1-dii bishan Juun, isagoo sheegay in hanaanka martiqaadka, ajandaha, iyo qaabka uu u wajahayo arrimaha masiiriga ah ee dalka aysan muujinayn dadaal dhab ah oo lagu xallinayo khilaafaadka siyaasadeed ee taagan.
Farmaajo ayaa ku eedeeyay Madaxweynaha in uu weli ka leexanayo in si dhab ah loo wajahdo arrimaha taabanaya masiirka shacabka Soomaaliyeed, gaar ahaan kuwa la xiriira wax-ka-beddelka dastuurka, nidaamka doorashooyinka, iyo wadaagga awoodda heer Federaal iyo Dowlad-goboleed.
โArrimaha siyaasadeed ee u baahan heshiis qaran iyo talo-wadaag waa masโuuliyad lagu xalliyo iyadoo loo dhan yahay. Madaxweynuhu wuxuu u muuqdaa mid wali diidan in uu waddadaas qabsado,โ ayuu yiri Farmaajo.
Madaxweynihii hore ayaa si gaar ah uga digay in la fuliyo wax-ka-beddelka dastuurka iyadoo aan la helin heshiis qaran oo lagu mideysan yahay, isagoo sheegay in qorshaha cusub ee wax-ka-beddelka lagu samaynayo 11 cutub oo ka mid ah dastuurka uu yahay โmid sharci-darro ahโ oo โwiiqaya heshiiskii siyaasadeed ee lagu dhisay dowladnimada dalkaโ.
Sidoo kale, Farmaajo ayaa dhaliilay hannaanka doorashada ee dowladda hadda jirta wado, isagoo ku tilmaamay โmid aan loo dhamaynโ, islamarkaana โku salaysan sharciyo iyo guddiyo uu madaxweynuhu gaar u magacaabayโ.
Wuxuu sidoo kale muujiyay walaac ku saabsan is-diiwaangelinta muwaadiniinta, isagoo sheegay in ay tahay mid โqasab ahโ oo โku tumanaysa xuquuqda aas-aasiga ah ee muwaadiniinta Soomaaliyeedโ.
Ugu dambeyn, Farmaajo ayaa ugu baaqay madaxweynaha in uu si dhab ah u wajaho xaaladda siyaasadeed ee dalka, kuna soo laabto dastuurkii lagu heshiiyay, isagoo tilmaamay in gogosha wadatashiga iyo goโaannada masiiriga ah ay noqdaan kuwo loo dhan yahay, oo ay si buuxda uga qayb qaataan dhammaan heerarka dowladda.
โHaddii si dhab ah loo doonayo xal waara, waa in gogosha wadatashigu noqotaa mid ay ka wada qeyb qaataan Dowladda Federaalka iyo Dowlad-goboleedyada, si loo ilaaliyo midnimada dalka iyo nabadda shacabka Soomaaliyeed,โ ayuu yiri Madaxweynihii hore.
