Taliyaha Guud ee Ciidamada Difaaca Uganda (CDF), Janaraal Muhoozi Kainerugaba, ayaa hadal culus ku qoray baraha bulshada, isagoo si toos ah uga hadlay arrimo la xiriira ka bixitaanka ciidamada Uganda ee Soomaaliya, iyo xiriirka reer Galbeedka iyo Maraykanka la leeyihiin kooxo argagixiso ah.
Muhoozi ayaa yiri โMareykanka iyo reer galbeedka guud ahaan waxay hadda aqoonsanayaan Al-Qaacida ee Suuriya. Xitaa walaalaheenna Israaโiil waxay u muuqdaan inay xaaladdan oggol yihiin? Waxa kale oo aan maqalnay in Mareykanku bilaabay wada-hadallo qarsoodi ah oo ay la yeelanayaan Al-Shabaab ee Soomaaliya. Waxaan ka codsaneynaa Taliyaha Sare ee Ciidamada Madaxweynaha Uganda inuu si dhab ah uga fiirsado in gebi ahaanba laga saaro ciidamadeenna Soomaaliya kaddib 18 sano oo howlgal ah.โ
Hadalka Taliyaha ayaa imaanaya xilli ay jiraan warar is-daba joog ah oo sheegaya isbeddel ku yimid siyaasadda Mareykanka ee Bariga Dhexe iyo Geeska Afrika, gaar ahaan la xiriirta wada-xaajoodyo lala galayo kooxaha argagixisada sida Al-Shabaab.
Uganda ayaa ka mid ah dalalka ugu weyn ee ciidamo ay ka joogaan Soomaaliya,iyagoo qeyb ka ah howlgalka Midowga Afrika (ATMIS), waxaana ay door muhiim ah ka ciyaartay sugidda amniga caasimadda Muqdisho iyo gobollo kale.
