Xildhibaannada Golaha Baarlamaanka ee SSC-Khaatumo ayaa xalay kulan ku yeeshay Magaalada Laascaanood, kaasoo looga hadlay xaaladda siyaasadeed ee maamulka SSC-Khaatumo, gaar ahaan arrimaha ku saabsan dhameystirka maamulka iyo waqtiga doorashada.
Kulanka oo uu guddoominayay Guddoomiyaha Baarlamaanka,ย Jaamac Yaasiin Warsame, ayaa lagu gaaray dhowr goโaan muhiim ah:
1. In doorashada maamulka SSC-Khaatumo ay ku dhacdo waqtigeedii, si loo ilaaliyo sharciyadda iyo kalsoonida shacabka.
2. In la taageero Shirka Dhameystirka Maamulka SSC-Khaatumo, kaas oo lagu dhisayo hayโadaha dawladnimo ee dhamaystiran, iyadoo beelaha dega Sool, Sanaag iyo Cayn ay si buuxda uga qeybgalayaan.
3. In golayaasha kala duwan ee SSC-Khaatumo ee waqtigoodu dhamaaday ay sii wataan shaqadooda, ilaa laga soo doorto xubno cusub oo beddela.
ย
Si kastaba ha ahaatee, wararka aan helayno ayaa sheegaya in qaar ka mid ah xildhibaannadii kulanka ka qaybgalay ay kasoo baxeen fadhiga, iyaga oo muujiyey diidmo ku saabsan qaabka uu shirku u dhacay iyo goโaamada lasoo saaray.
Dhanka kale, kulamo siyaasadeed oo kale oo aad u xooggan ayaa weli ka socda magaalada Laascaanood. Hoggaamiyaha SSC-Khaatumo, Mudane Cabdirisaaq Firdhiye, ayaa wada wadatashi ballaaran oo uu la leeyahay dhinacyada kale ee siyaasadda, kuwaas oo qaarkood kasoo horjeeda qaabka dhameystirka maamulka.
Waxaa sidoo kale socda dadaallo ay wado Wasaaradda Arrimaha Gudaha ee SSC-Khaatumo, si xal waara loogu helo khilaafaadka siyaasadeed ee taagan, loogana gudbo marxaladda kala guurka ah ee maamulka SSC-Khaatumo.
Ismara waa xooggan ayaa ka taagan dhameystirka Maamul u sameynta SSC Khaatuma.
