Maxkamadda Ciidamada Qalabka Sida ee Soomaaliya ayaa maanta si rasmi ah u fulisay xukun dil toogasho ah oo lagu riday saddex eedeysane oo hore loogu helay dambiyo culus oo la xiriira dilal qorsheysan iyo ka mid ahaanshaha kooxda Khawaarijta.
Ragga la toogtay ayaa kala ah:
Qudaama Xamze Yuusuf Maxamed (Yaxye)
Cabdi Xassan Rooble (Afeey)
Ibraahim Cumar Shamcuun (Hubka)
Saddexdan eedeysane ayaa lagu helay dambiyo ay ka fuliyeen gudaha Caasimadda Muqdisho iyo gobolka Shabeelaha Hoose, kuwaas oo ay ka mid yihiin dilal ay u geysteen dad shacab iyo masuuliyiin ciidan. Maxkamadda Ciidamada Qalabka Sida ayaa horey ugu ridday xukun dil ah kadib markii ay cadaato in ay si toos ah uga tirsan yihiin Khawaarijta, ayna fuliyeen weeraro lagu hoobtay.
Goobta lagu fuliyay xukunka ayaa waxaa goobjoog ka ahaa saraakiil ciidan iyo ehelada qaar ka mid ah dadkii ay dhibaatada gaarsiiyeen.
