Ciidamada ammaanka Somaliland ayaa maanta Magaalada Berbera ku xiray CabdiMaalik Muuse Coldoon oo weriye hore iyo Samafale ahaa, isla markaana mudooyiinkii u dambe la raadinayay, dhowaana shaaciyay inuu ka baxsaday magaalada Burco.
Coldoon ayaa laga qabtay Kontoraalka Magaalada Berbera, islamarkaana xabsiga la dhigay, sida ay sheegeen dadka deegaanka.
Ma cadda Sababta ka dambeysay xariga Cabdimaalik Coldoon.
Booliska Soomaaliland weli kama hadlin xariga iyo eedaha loo haysto weriye CabdiMaalik Muuse Coldoon oo dhawr jeer lagu xiray Somaliland.
Xariga Coldoon ayaa durba waxaa ka dhashay hadal heyn xoog leh, iyadoona dadka taageersan ay Xukuumadda Soomaaliland ka dalbaday in la siiyo Coldoon.
