Inta la xaqiijiyay laba qof ayaa ku geeriyootay, tiro kalena ay ku dhaawacmeen, shil baabuur oo xalay ka dhacay magaalada Muqdisho, gaar ahaan inta u dhexeysa isgoysyada Siinay iyo Afarta Jardiin.
Shilkan ayaa dhacay kadib markii baabuur xamuul ah oo watay konteenar uu jiiray mooto bajaaj ay saarnaayeen dad shacab ah, sida ay sheegeen goobjoogayaal.
Dadka deegaanka ayaa sheegay in khasaaraha uu ahaa mid culus, iyadoo meydadka iyo dhaawacyada loo qaaday xarumo caafimaad oo ku yaalla magaalada.
Ilaa iyo hadda, dowladda Soomaaliya kama aysan hadlin shilkaasi iyo khasaaraha ka dhashay.
Shilalka noocan ah ayaa muddooyinkii dambe ku soo badanayay magaalada Muqdisho, waxaana inta badan lagu eedeeyaa xawaaraha xad-dhaafka ah, darawalnimo la’aanta iyo kormeer la’aanta gaadiidka xamuulka.
