Munaasabadda furitaanka waddooyinkan ayaa lagu wadaa in ay si wadajir ah uga qeyb galaan Ra’iisul Wasaaraha Soomaaliya Xamse Cabdi Barre iyo Guddoomiyaha Gobolka Banaadir ahna Duqa Muqdisho Xasan Maxamed Xuseen (Muungaab).
Wararka ayaa sheegaya in la furi doono dhowr waddo oo muhiim ah oo ku yaalla degmooyinka bartamaha iyo waqooyiga caasimadda, kuwaas oo hore loogu xiray sababo amni darteed.
Tallaabadan ayaa qeyb ka ah dadaallada ay dowladda federaalka iyo maamulka gobolka Banaadir ku doonayaan in lagu soo celiyo isku socodka magaalada, loogana jawaabo cabashooyinkii shacabka ee ku saabsanaa xirnaanshaha waddooyinka.
Waxaa la sheegay in amniga guud ee caasimadda uu si weyn u hagaagay, taas oo suurta gelisay in dowladda ay bilowdo falkan muhiimka ah oo muujinaya soo kabashada iyo kalsoonida magaalada Muqdisho.
