Diyaarad kuwa rayidka ah ayaa waxaa ay ku dhacday garoonka diyaaraddaha ee Aadan Cabdulle ee Muqdisho, sida ay xaqiijiyeen dad goobjoogayal ah.
Maareyaha hay’dda duulista rayidka soomaaliyeed Axmed Macalin oo la hadlay laanta afka Soomaaliga ee BBC-da ayaa sheegay in diyaaradda oo ka kacday garoonka Aadan Cabdulle ay ku socotay magaalada Gaalkacyo ee xarunta gobolka Mudug.
Waxaa uu intaa ku daray in wax yar uun ka dib markii ay ka kacday garoonka ay duuliyayaasha diyaaradda soo sheegeen in cilad qabsatay, dibna uga soo laabanayaan garoonka.
Diyaaradda ayaa markii ay cagaha dhigatay dhabbaha diyaaraduhu ku ordaan ka baxday dhabbaha kadibna ku dhacdy badda.Illaa 50 qof oo rakaab ah ayaa saarnaa diyaaradda, waxana illaa hadda socda gurmadka lagu badbaadinayo dadka saaran diyaaradda.
