Safaaradda Soomaaliya ee dalka Maraykanka ayaa muujisay “Culayska ay kala kulmayso qorshaha aqoonsiga Somaliland ayaa ku doodaysa in tilaabadaasi ay dhiiragalin karto “Kooxaha argagixisada ah in ay helaan fursad” ku dhiiragalisa dagaalkooda.
“Siyaasad kasta oo dhaawacda madax-bannaanida Soomaaliya waxay keliya dhiirrigelin doontaa xagjiriinta waxayna khatar galin doontaa xasilloonida guud ee geeska Africa” ayaa lagu yiri qoraalka.
Soomaaliya ayaa sidaan oo kale ku dooday xilligii Itoobiya sheegtay in ay aqoonsanayso Somaliland.
Hadalkan safaarada ayaa ku soo aadaya xili Xildhibaan Ted Cruz oo ka tirsan xisbiga Jamhuuriga ee dalka Maraykanka kana mid ah Xildhibaannada ugu saameynta badan aqalka Senate-ka uu warqad u diray madaxweynaha Maraykanka taasi oo uu kaga dalbanayo in uu aqoonsado Somaliland.
Senaterka ayaa warqaddan uu u diray madaxweyne Trump kaga hadlay arrimo ay kamid yihiin; taariikhda Somaliland, muhiimadda ay leeddahay goobta ay ku taallo, xidhiidhka Maraykanka iyo Somaliland faa’idada ku jirta, dimuqraadiyadda iyo Doorashooyinka Somaliland ka hana qaadey.
