Thursday, February 6, 2025

Duqa Muqdisho oo ka qeyb galay munaasabadda ansixinta Miisaaniyadda Gobolka Banaadir

Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa ka qeyb galay munaasabadda ansixinta Miisaaniyadda Maamulka Gobolka Banaadir ee sanadka 2025, kadib markii maanta loo soo bandhigay xubnaha kala gedisan ee Maamulla G/Banaadir.

Guddoomiye Kuxigeenka Maamulka iyo Maaliyadda Gobolka Banaadir Mudane Ciise Maxamuud Guure oo madasha ka hadlay ayaa sheegay in Miisaaniyadda sanadka cusub ee 2025 si daah-furnaan ah looga soo shaqeeyay, isla markaana loo bandhigay qeybaha kala gedisan ee Bulshada, asigoona codsaday in la ansixiyo Miisaaniyadda.

Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa ku dhawaaway in Miisaaniyadda cusub ee 2025 ay ansax tahay kadib markii cod aqlabiyad ah lagu ansixiyay, inkastoo 5xubnood ay diideen, halka 9-xubnood ay ka aamuseen.

Duqa Muqdisho ayaa u mahadceliyay Howlwadeenada Xafiiska Maaliyadda G/Banaadir sida hufanaanta leh oo ay ugu soo shaqeeyeen miisaaniyadda sanadka 2025, waxa uuna xusay in miisaaniyaddan ay noqon doonto mid lagu horumariyo Caasimadda.

Waxa uu sheegay in qorshayaasha hortabinta u leh Maamulkiisa ay ugu horeyso daah-furnaan, in shacabka Gobolka Banaadir ay aadaan doorasho qof iyo cod si ay mas’uuliyiintooda usoo doortaan, in la helo Magaalo Nabdoon, Magaalo Nadiif ah oo Cagaaran, taasina lagu gaari karo isla xisaabtan iyo in bulshada fursad la siiyo.

WARARKII KALE

Gudoomiyaha Golaha Shacabka oo Gudoomiyy Kulanka Guddiga Joogta ah

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane...

Turkiga oo xusaya sannadguuradii 2aad ee dhulgariirkii ay dadka badan ku dhinteen

Xusas ayaa ka socda Turkiga, kuwaasoo lagu xusayo laba...

Golaha wasiiradda XFS oo bogaadiyey hawlgalka Daacish

Golaha Wasiirrada Xukuumadda Jamhuuriyadda Federaalka Soomaaliya, ayaa bogaadiyey Ciidamada...

Shirweynaha xeer ilaaliyeyaasha Soomaaliyeed oo galay maalintii labaad

𝗦𝗵𝗶𝗿𝘄𝗲𝘆𝗻𝗮𝗵𝗮 𝟳𝗮𝗮𝗱 𝗲𝗲 x𝗲𝗲𝗿 i𝗹𝗮𝗮𝗹𝗶𝘆𝗲𝘆𝗮𝗮𝘀𝗵𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱 ayaa maanta galay...

Masar oo ka hor timid qorshaha Trump ee ah in Mareykanka uu la wareego Gaza

Wasiirka arrimaha dibadda Masar ayaa maanta magaalada Qaahira kula...

NAGU SOO BIIR

16,000FansLike
523FollowersFollow
352SubscribersSubscribe

Latest Articles