War ka soo baxay taliska howlgalka Ciribtirka Argagixisada ayaa waxaa lagu faahfaahiyay duqeymaha lagu garaacay saldhigyo kooxda Daacish ay ku leeyihiin buuraleyda Cali-miskaad ee Gobolka Bari.
Duqeynta ayaa laga fuliyay togga Miraale iyo nawaaxigiisa, waxaana qoraalka lagu sheegay in halkaasi lagu laayay firxadkii mileeshiyaadka Daacish.
Warka ayaa sidoo kale lagu sheegay in duqeynta ay fuliyeen diyaaradaha dagaalka Mareykanka, kuwaasi oo qeyb ka qaadanayaa dagaalka ka dhanka ah maleeshiyaadka Daacish.
Wejiga saddexaad ee hawlgalka dagaalka Calmiskaad oo muddooyinkii dambe socday ayaa haatan maraya marxalad dhammaystir ah, siday sheegeen saraakiisha hoggaaminaysa ciidamada difaaca Puntland oo dhawaan warbaahinta la hadlay.
