Madaxweynaha Soomaaliya Xasan Sheekh Maxamuud ayaa maanta kulan isugu yeeray madaxweynayaasha maamulada Koofur Galbeed, Galmudug iyo Hirshabeele.
Kulankan oo ah qado ayaa madaxweynaha waxaa uu madaxdan kalatashan doonaa gogosha uu dhowaan ku dhawaaqay iyo sida loo wajihi doono.
Wararka ayaa intaasi ku daraya in kulanka looga hadli doono siddii loo raadin lahaa madaxweyneyaasha Jubbaland iyo Puntland.
Lataliyaha Madaxweynaha ee arimaha Dasturka Xuseen Sheekh ayaa sheegay Madaxweyne Xasan Sheekh uu Taleefoonka kula hadlay Siyaasiyinta Mucaaradka ah qaarkood maantana la kulmaya Madaxweynayasha Galmudug, Koonfur galbeed iyo Hirshabele.
Dhawaan ayay aheyd markii Madaxweynaha Soomaaliya uu ku dhawaaqay inuu gogol wadashi isugu yeeri doono hoggaamiyeyaasha Siyaasada, taasi oo ay ka dhashay su’aalo badan oo ay ka mid tahay yaa ah saamileyda Siyaasada, ma maamul goboleedyada mise xubnaha mucaaradka ee xil doonka?.
