Wiil dhalinyaro Aqoonyahan ah oo lagu magacaabi jiray Cabdi risaaq Abuukar Muxumed Beereey, ayaa waxaa Xalay si fool xun loogu dilay waaxda Barwaaqo ee degmadda Dayniile ee Gobalka Banaadir.
Marxuum C/risaaq Abuukar Muxumed Beereey ayaa waxaa dilay mid ka mid ah Laba Askari oo isku risaaseyneysay Xaafadda Waaxda Barwaaqo ee degmadda Dayniile ee Gobalka Banaadir iyadda oo Askarigii dilka gaysatay uu ka baxsaday goobta uu dilka ka gaystay.
Marxuum C/risaaq Abuukar Muxumed Beereey waxa uu noloshiisa ku maarayn jiray kana shaqeysan jiray Bajaajta ka howlgasha Magaladda Caasimadda ah ee Muqdisho.
Marxuum, C/risaaq Abuukar Muxumed Beereey ayaa waxa uu ka soo jeedaa Gobalka Hiiraan gaar ahaan degmadda Jalalaqsi waxa uuna rabay dhawaan maalmo kadib in uu u safro ama u duulo dalka Mareykanka isaga iyo qoyskiay haysteen dal ku galka dalka Mareykanka
Dilalka askarta ay u geystaan dadka shacabka ah ayaa muddooyinkii dambe u muuqday mid hoos u dhacayay, laakiin waxaa hadda muuqata in degmada Deyniile ay dilal ka dhaceen bilihii lasoo dhaafay oo waxyeelo kasoo gaartay dad shacab ah, iyadoo dilalkaas qaarkood loo aaneyno rag ku labisan dareeska ciidan.
