Xildhibaan Abdirahman Cabdishakur Warsame, oo ka mid ah siyaasiyiinta mucaaradka ee ku kacsan dowladda Madaxweyne Xasan Sheekh ayaa qoraal uu maanta daabacay ku sheegay in hoggaaminta Madaxweyne Xasan Sheekh Maxamuud ay ku dhisan tahay dan shakhsi iyo iibinta hantida Qaranka, isla markaana uu ka xooleystay hantida dadweynaha, isagoo ka mid noqday maalqabeenada ugu waaweyn Soomaaliya.
Xildhibaan Warsame wuxuu tilmaamay in Madaxweyne Xasan Sheekh wuxuu ku mashquulay dano shakhsi, taasoo ka fogayd ujeedadii loo doortay iyo ballanqaadyadiisii.
โSanadkii ugu horeeyay xilkiisa labaad, Madaxweyne Xasan Sheekh uu ballan qaaday in la dagaalami doono Al-Shabaab, musuqmaasuqa laga ciribtiri doono, iyo in awoodda dowladda la xoojin doono.
Laakiin ballanqaadyadan lama fulin, waxaana muuqday in maamulka uu ku mashquulay dano shakhsi, iibinta hantida Qaranka iyo ku takrifalka awooddaโ, sida uu ku sheegay qoraalkiisa.
โWaa wax lala yaabo in Hogaamiyihii ballanqaaday inuu la dagaalami doono Musuqmaasuqa uu hadda u xilka ka tegayo isagoo ka mida Maalqabeenada ugu hantida badan Soomaaliyaโ ayuu ku dooday Xildhibaan C/raxmaan C/shakuur.
Xildhibaan C/raxmaan C/shakuur ayaa wuxuu ku eedeeyay Madaxweyne Xasan Sheekh inuu xilalka ku bixiyo eex, qabiil, inay isaga daacad loo noqdo, isla markaana soo xusodadka ugu aqoonta iyo kartida liita.
โMasuuliyiinta aan kartida lahayn ayaa la magacaabaa si ay goโaan kasta ugu soo laabtaan Madaxweynaha, taasoo keentay in dhammaan awoodda dowladda ay ku ururto hal xafiis, halka shaqooyinka muhiimka ah ay noqdeen kuwo ku tiirsan rabitaanka shakhsiโ ayuu qoraalkiisa ku yiri.
Xildhibaan CC Warsame ayaa fashilka Madaxweyne Xasan Sheekh iyo dowladiisa ku soo koobay:
Balanqaadyadii fashilmay ee Madaxwene Xasan Sheekh sida Dagaalka Al-Shabaab ee istaagay, musuq-maasuqa oo kasii daray; fulin laโaanta shaqo abuurka iyo kalsoonidii oo burburtay.
Wuxuu sheegay in dadka Soomaaliyeed mudan yihiin dowlad karti leh, islamarkaana ku dhisan masโuuliyiin khibrad xirfad leh oo shaqadooda ka adag, una shaqeeya muwaadiniinta.
