Friday, February 7, 2025

Puntland oo Boosaaso ka wada howlgallo culus oo ka dhan ah Daacish

Howlgallo culus oo lagu xaqiijinayo amniga ayaa ka billowday magaalooyinka waaweyn ee maamulka Puntland, iyadoo xoogga la saarayo magaalada Boosaaso ee gobolka Bari.

Xalay ilaa saaka, ciidamada amniga gobolka Bari ayaa xaafadaha kala duwan ee Boosaaso ka sameeyay baaritaanno ballaaran oo lagu baadi goobayo xubno ka tirsan kooxaha Daacish iyo Al-Shabaab.

Intii lagu guda jiray howlgalka, ciidamadu waxay galeen xaafado dhowr ah, halkaas oo ay ku soo qabteen dad looga shakisan yahay inay xiriir la leeyihiin falal amni-darro oo magaalada ka dhacay.

Saraakiisha laamaha amniga ayaa xaqiijiyay in dadkii lagu soo qabtay howlgalka lagu hayo gacanta hay’adaha baarista gobolka Bari, si loo hubiyo kiiskooda. Waxay sheegeen in haddii dembi lagu helo eedeysanayaasha, loo gudbin doono hay’adaha garsoorka si sharciga loo mariyo.

Howlgalkan ayaa qayb ka ah dadaallo ballaaran oo ciidamada amnigu ku doonayaan inay ku xaqiijiyaan nabadgelyada magaalada Boosaaso iyo nawaaxigeeda. Ciidamada gobolka Bari ayaa sidoo kale dagaal ba’an kula jira kooxda Daacish oo ay kula dagaallamayaan buuraha Cal Miskaad.

Saraakiisha ayaa tilmaamay in howlgalladan lagu baacsanayo cid kasta oo ku lug leh amni-darrada, isla markaana loo diyaarsan yahay in magaalada laga ciribtiro falalka qalalaasaha ah.

Howlgallada ayaa la filayaa inay sii socdaan maalmaha soo socda, iyadoo la adkeynayo ammaanka guud ee magaalada.

WARARKII KALE

Madaxweyne Xasan Sheekh oo Xoojiyay Baaqa Golaha XFS Ee Dagaalka Ka Dhanka Ah Daacish

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa...

Dhageeyso Warka Habeenimo ee Radiojowhar 06/02/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Donald Trump oo sheegay in Israa’iil ay ku wareejin doonto Qaza Mareykanka,

Madaxweynaha Mareykanka Donald Trump ayaa sheegay in Israa’iil ay...

Wararkii ugu danbeeyay ee colaadda Sudan

Ilo-wareedyo ciidan ayaa wakaaladda wararka ee AFP u sheegay...

Firdhiye oo furay dugsiga tababarka ciidanka Daraawiishta SSC

Hoggaamiyaha Maamulka SSC-Khaatumo Mudane Cabdiqaadir Axmed Aw-Cali, ayaa maanta...

Gudoomiyaha Golaha Shacabka oo Gudoomiyay Kulanka Guddiga Joogta ah

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane...

NAGU SOO BIIR

16,000FansLike
523FollowersFollow
352SubscribersSubscribe

Latest Articles